现今游戏大作每出新一代都要越整越大，BioWare表示《Mass Effect: Andromeda》系佢哋最大型嘅游戏，就内容数量而言，包括不同战斗、解谜及剧情遭遇，令唔同路径都一样咁有深度。
游戏分支任务更包括《Mass Effect 2》Loyalty Mission，以增加队员对主角忠诚度，虽非主线要务，但畀到玩家知道更多配角嘅背景经历。扫描系玩家必须学习使用嘅探索工具，当玩家到达一个新星球，要将扫描所得嘅资料传回Tempest分析，先至揾到线索。至于各位玩家最想取得嘅线索 —《Mass Effect: Andromeda》推出日期仍未公布，但多间零售商列出嘅上架日期都系3月21日。