当而家手机平台都有得食鸡，先后有《PUBG》、《Fortnite》等等大逃杀类游戏，大受欢迎既 Nintendo Switch 又点会无呢？由 Black Riddles 制作，大逃杀游戏《Crazy Justice》（狂乱正义）将会系今年第二季正式推出，并且发放一条大约 2分钟游玩影片，而呢只游戏将会系 Nintendo Switch 上第一只大逃杀游戏。
由影片内见到，游戏并非采用《PUBG》写实风格，反而系采用类似《Fortnite》偏向卡通既画风，并且同《Fortnite》一样有建造元素、场景破坏、无下坠既弹道等元素。另外同众多大逃杀游戏唔同，游戏开始前玩家系需要先自订技能，似乎仲有分职业专属技能添！
当然技能卡总类繁多，睇黎都有排储。值得一提既系游戏除咗基本连线对战之外，仲会有故事模式，认真诚意十足！
同《Fortnite》类似都系有建造元素
游戏内有多名英雄选择
要砌技能，亦即系话有丰富变化
并非只得 PVP，游戏亦有故事模式
《Crazy Justice》除咗 Nintendo Switch 之外，仲会有埋 Xbox One、PS4 以及 PC Steam 版本，当仲 Nintendo Switch、Xbox One 同 PC 系可以跨平台连线。虽然系多平台，但系 NS 版同其他版本并唔会有差异，并且会支援 NS 既体感操控及 HD 震动功能。
最后顺带一提，除咗《Crazy Justice》之外，外国受欢迎程度已经远超原版食鸡既《Fortnite》亦都传出会移植到 Nintendo Switch 上面，不过就仲未有任何声气，大家不妨操住《Crazy Justice》等啦！