开只船出海，用大砲互射，跳上敌船打白兵战、揾埋藏系海底既宝藏，呢堆野加埋咪即系海盗啰（或者你话谂起 One Piece都得既），再加上开放世界呢个元素似乎就得 Ubisoft 既《Skull and Bones》同埋今次介绍既《Sea of Thieves》，而且呢只游戏海洋既优秀表现得到《PUBG》既首席设计师 Brendan Greene 垂青，考虑将呢种海洋表现手法加入《PUBG》添！
《Sea of Thieves》属第一身视点游戏，采用 Unreal Engien 4 引擎开发。玩家可以选择自己做 Lonely Player 又或者同伙伴一齐驾驶同一艘船，同时仲可以设定每个人既分工职位，即系你可以决定边个做炮手边个做大副咁样，系几过瘾的。
除咗见到敌人可以互射大炮、火箭之外，仲可以发射人肉大炮上敌船又或者冲过去强行登船玩白兵战，进入白兵战既时候有得用枪或者刀黎对决。
《Sea of Thieves》会系 1 月 24 日 20:00 起到 1 月 29 日 15:59 呢段时间进行封闭测试，已经预购数位版既玩家就会有参与既资格，如果之前 12月果阵有参加过预览计划既玩家亦都可以有今次既资格，游戏预计系 2018 年 3 月 20 日正式市，数位版就接受预购中，对应平台为 Xbox One／Windows 10。