啱啱 Nintendo Direct 就公布咗呢只集合 SNK 历代人气女角既新格斗游戏《SNK Heroines Tag Team Frenzy》，游戏公布既影片睇到虽然系全女班，但系啲动作同判定都似系用《KOF XIV》做 Base，衰极有个谱！
暂时公开既角色有麻宫雅典娜、KULA、不知火舞、Yuri 同莉安娜。当然用得女角挂帅外观就绝对系最重要既元素啦，本身套衫同原本已经有分别，而系游戏入面仲可以再额外变装！
有丰富既换装元素
除咗外观元素之外，游戏系统都有少少改变，传统既三打三就变做二打二，另外打晒对面行血之后仲要出“Dream Finish”先会杀到对手，好似超人打怪兽最后要出死光咁。
同时必杀技都会改变，例如雅典娜有得变对面做雪人，Yuri 既超必变咗做“霸王翔吼拳：极限烧肉”咁，都几过瘾！当然影片展示所见既流畅度同画面表现系叫唔错，到几值得期待。
《SNK Heroines Tag Team Frenzy》会于 2018年夏季推出，初步数黑影应该有 14个角色，对应 Nintendo Switch / PS4。
